Hver kannast ekki við það leiða og nær ógerlega verk að þrífa blómavasa að innan? Sérstaklega fegurstu blómavasana, sem eru með uppmjóum hálsi og kúlulaga … hvernig á maður eiginlega að fara að því að troða uppþvottabursta inn í vasann og skrúbba? Verður ekki alltaf eitthvað eftir? Sem situr fast? Og skyggir á raunverulega fegurð vasans?

Í þessu myndbandi er farið yfir hvernig klippa má niður rifsvamp og hola að innan svo hægt sé að koma segli fyrir í einum hlutanum og stáli í hinum hlutanum. Því næst er svampinum einfaldlega smeygt inn um vasaopið – vasinn er þurrkaður varlega að innan, því næst er sápuvatni hellt í vasann og framhaldið ætti að vera öllum ljóst …

… stórkostlegt húsráð!