Kona nokkur deildi þrifaráði á samfélagsmiðlum og fólk dreif sig að prófa…og það virkaði! Allir þekkja gula/brúna rönd í klósettskálinni sem ómögulegt virðist að ná af, þrátt fyrir öll heimsins hreinsiefni.
Þessi kona sagðist nota vikurstein, svona eins og hægt er að fá í apótekum til að skrúbba fæturnar og kosta sáralítið.
![Fyrir og eftir - mikill munur þarna!](https://www.sykur.is/wp-content/uploads/2019/10/a02a86102417d3ba0a87b3941ec4c40c.png)
Þetta ku virka svona æðislega vel og klósettið verður tandurhreint og gljáandi. Ekki þarf að hafa áhyggjur af rispum eða slíku og steinninn er umhverfisvænn.
![Vikursteinn](https://www.sykur.is/wp-content/uploads/2019/10/7443c8e321dd7a62d8a38fe4a78e1c1a.png)
Konan póstaði fyrir- og eftir mynd af klósettinu og sagði: „Síðan við fluttum inn í íbúðina okkar fyrir einu og hálfu ári síðan hafa klósettin farið sjúklega í taugarnar á mér. Held að fólkið sem bjó þarna á undan hafi leiðst að þrífa þau! Ég var búin að prófa allt…að skrúbba, klór, edik og matarsóda. Svo fór ég að hlusta á gamlan þátt með húsráðum. Þar var talað um þennan vikurstein. Engar rispur eða skemmdir. Þetta kostaði mig 200 kall í apótekinu og ég sem ætlaði að eyða tugum þúsunda í að skipta um klósett!“
Fleiri þúsund manns hafa líkað við og deilt þessum pósti og margir sögðust hafa prófað og þetta væri alger snilldarráð.
Konan segist taka steininn og vera í hönskum. Svo skrúbbar maður bara með honum og árangurinn kemur strax í ljós.
![Kannski leynist einn svona inni á baði hjá þér :)](https://www.sykur.is/wp-content/uploads/2019/10/b5b49f1f3dd5defbe7729ac194012688.png)