Tvö ár eru nú síðan Playboy-kóngurinn Hugh Hefner varð allur. Ekkja hans Crystal Hefner (33) minnist hans enn og skrifaði hún af því tilefni á Instagram að hún hafi saknað hans í tvö ár, en hann lést 27. september 2017: „Hef saknað þín í tvö ár í dag 
”
Hugh var 91 árs þegar hann lést af náttúrulegum orsökum á heimili sínu, The Playboy Mansion, umkringdur ástvinum.
Hef og Crystal, sem var leikfélagi mánaðarins í desember árið 2009, hófu samband sitt þegar fyrrum kærustur hans, þríeykið Holly Madison, Kendra Wilkinson og Bridget Marqueardt fluttu út. Þau gengu í það heilaga þann 31. desember 2012 og voru saman þar til Hugh féll frá.
Hugh var lagður til hinstu hvílu við hlið Marilyn Monroe sem var fyrsti leikfélaginn í Westwood Village Memorial Park í Los Angeles. Hef keypti staðinn árið 1992 fyrir 75.000 dali og sagðist hvergi annarsstaðar vilja vera.
Crystal fékk arf eftir eiginmanninn – fimm milljónir dala og fjögurra herbergja heimili með fimm baðherbergjum í Hollywood Hills.
