Þau eru svo sannarlega eitt af uppáhaldspörum margra í Hollywood. Þau virðast alltaf hamingjusöm, stríða hvort öðru óspart og eiga tvö börn saman. Þrátt fyrir þetta eru þau stöðugt undir smásjá allra sem vilja fá innsýn inn í hjónaband leikaraparsins Blake Lively og Ryan Reynolds.
Blake, sem er þrítug og skaust upp á stjörnuhimininn í þáttunum Gossip Girl, eyddi nýlega hverri einustu mynd af Ryan á Instagramminu sínu og hætti að fylgjast með honum. 20 milljón aðdáenda voru skelfingu lostnir – er úti um hjónabandið?
Blake setti þó eina setningu undir mynd: „Hvað kom fyrir Emily?“ Það sem þetta þýðir er að Blake var að kynna nýju myndina sína, A Simple Favor, sem hún leikur í ásamt Önnu Kendrick. Er myndin um konu að nafni Emily Nelson sem Blake leikur og hverfur hún á dularfullan hátt úr litlum bæ.
Nú er Blake aðeins að fylgja konum á Instagram að nafni Emily Nelson.
Konur sem bera það nafn ahfa verið upp með sér og sumir hafa reynt að breyta nafni sínu í Emily Nelson til að Blake fylgi þeim á Instagram!
