Þetta hlýtur að vera fallegasta (og kannski raunverulegasta) ástarsaga sem komið hefur út úr raunveruleikaþáttunum The Bachelor: Það vita flestir um hvað þættirnir snúast – nokkrar konur keppa um einn mann og hann velur út þær sem hann vill halda eftir og endar svo að öllum líkindum á að giftast einni. Svo lifa þau hamingjusöm til æviloka…eða þið vitið…
Ástralski þátturinn er engin undantekning en leikar fóru þó ekki eins og flestir halda heldur voru tveir keppendur, tvær konur sem ekki voru alveg á staðnum þegar rósaathöfnin fór fram. Þær horfðu frekar til hvor annarar!
Fyrrum keppendurnir tveir, Megan Marx og Tiffany James hafa nú verið að opinbera ást sína á Instagram á yndislegan hátt með textum á borð við: „Uppáhalds persónan mín“ og „það eru margir hlutir sem ég elska en þetta er sú eina.“
Í fyrstu voru þær Megan og Tiffany bara vinkonur en hefur nú þróast yfir í eitthvað mun meira og alvarlegra. Megan birtir mynd af Tiffany og segir: „Ég verð að viðurkenna að ég er svo stolt af því að vera í sambandi með henni – hún er uppáhalds persónan mín. Við fögnum hverri stund okkar saman – sameiginlegri ást okkar. Hún er svo sjálfsörugg í sjónum og í öllum ævintýrum, eins og hver ný reynsla sé lottóvinningur í sjálfu sér: Tækifæri til að læra, vaxa og þroskast. Í fyrsta kokteilpartýinu okkar var um samruna sála að ræða – eins og við hefðum þekkt hvor aðra áður. Vinátta þróaðist í eitthvað mun stærra, traust myndaðist í skrýtnum kringumstæðum og nú í hverju ævintýri vöxum við saman. Hún hefur hjálpað mér að eyða mörgum hugmyndum sem mér voru skaðlegar (í samböndum, frama og stöðugleika) og mér líður eins og hún hafi frelsað mig.“
Heimild: Mashable
