Ungur maður drukknaði í brúðkaupsferð sinni – þremur dögum eftir brúðkaupið – þegar hann synti í sjónum í fyrsta sinn á ævinni.

Dalton Cottrell og kona hans Cheyenne, bæði 22 ára, lentu í útsogi og flutu um 100 metra frá ströndinni þar sem þau voru, í Flórídaríki, Bandaríkjunum.

Nýgiftu hjónin höfðu ákveðið að fara að synda en lentu í útsogi sem bar þau á haf út. Samkvæmt konu hans varð hann mjög hræddur og fór að „fríka út.”

Í áfalli tilkynnti Cheyenne um andlát hans á Facebook, en hún póstaði mynd af fótum þeirra beggja áður en þau fóru út í: „Þriggja daga brúðkaupshamingja breyttist í martröð mjög fljótlega, bæði fyrir mig og fjölskyldur okkar Cottrell beggja.”

„Aldrei hefði mig grunað að vera 22 ára ekkja svo snögglega.”

Gerðist atvikið fimmtudaginn 25 júlí síðastliðinn. Ungu hjónin sem voru frá Iowaríki voru í brúðkaupsferð í Flórída. Þau höfðu gengið í það heilaga þremur dögum áður í Kansasborg, Missouri. Dalton var að verða prestur.

Þau voru dregin úr sjónum þar sem þau synti nálægt Crescent strönd.

Cheyenne sagði við lögreglu að þetta hefði verið í fyrsta sinn sem eiginmaður hennar hefði synt í sjó og hann hefði farið að „fríka út.” Hann átti í miklum erfiðleikum og þegar hún reyndi að hjálpa honum dró hann hana niður. Hann fór svo undir yfirborðið í meira en mínútu. Strandvörður og brimbrettagaur syntu út til þeirra til að reyna að bjarga þeim. Þeir settu Dalton á brettið og fóru með hann aftur á ströndina þar sem reynt var að hnoða hann í gang. Hann var svo fluttur á spítala þar sem hann var úrskurðaður látinn.

Cheyenne var í öngum sínum en sagði við Facebookvini sína að drottinn hefði kallað Dalton aftur til sín. „Það er mikill ótti í mér og óvissa. Foreldrar mínir komu til mín í morgun þar sem ég hef annan kafla í lífi mínu. Ég hefði aldrei trúað því að ég yrði 22 ára, eiginkona og svo ekkja á svo skömmum tíma. Vinsamlega biðjið fyrir okkur í sorginni. Það eru engin smáatriði varðandi jarðarförina en við vitum meira á næstu dögum. Ég elska þig svo heitt Dalton Cottrell.”