Kris Jenner, mamma og höfuð Kardashian klansins, var í sumarleyfi með kærastanum Corey Gamble á Portofino á Ítalíu – en þau virtust ekki vera að skemmta sér saman.

Kris (63) og Corey (38) gengu í gegnum fallega fiskiþorpið á ítölsku rivíerunni. Samt sem áður voru þau ekki að spjalla mikið og líkamstjáningin virtist köld og ekki héldust þau í hendur.

Kris og Corey hittust í ágúst 2014 í fertugsafmæli Riccardo Tisci og fóru að hittast upp úr því. Árið 2017 hættu þau að hittast því Kris vildi „einbeita sér að fjölskyldunni og þættinum.“ Seinna það sama ár sást hún daðra við tónlistarframleiðandann David Foster og var tengd nígeríska milljarðamæringnum Christopher Cunningham.

Svo fóru Kris og Corey að hittast á ný, en hún þverneitaði að ganga í það heilaga með honum.

Sunnudaginn 7. júní sáust þau svo á Portofino, allt annað en glöð.