Chris Watts sem myrti ófríska eiginkonu sína og tvær dætur átti elskhuga sem hefur komið fram og sagt að þeir hafi hist á stefnumótaappi og átt í kynferðislegu samneyti áður en Chris myrti þær.
Fréttakonan Ashleigh Banfield hjá HLN tók viðtal við manninn sem ekki vill láta nafns síns getið og segist hann hafa hitt Chris á stefnumótaappinu MeetMe.
„Hann hafði fyrst samband við mig“ segir maðurinn. „Fyrst var þetta spjall um ekkert. Hann sagði mér hvað hann væri gamall. Hann átti tvær dætur. Hann var að leita að langtímasambandi. Hann sagðist ekki vera kominn út úr skápnum og vildi ekki vera það.“
Fréttir þess efnis að Chris hefði átt í leynilegu ástarsambandi með samstarfsmanni en þessi tíðindi, ef rétt reynast, gætu breytt öllu.
„Við töluðum oft saman,“ sagði maðurinn við Ashleigh. „Ég spurði hvort hann væri ekki tvíkynhneigður þar sem hann ætti tvö börn. Hann sagðist ekki vita það. Hann laðaðist að mér.“
Maðurinn segist hafa hitt Bellu fyrir morðið: „Bella spurði hvort hún mætti sofa hjá honum og mömmu. Þannig áttaði ég mig á því að hann var giftur. Ég spurði af hverju hann hefði logið að mér. Hann sagði að hann vissi að hann ætti ekki séns í mig ef hann hefði sagst vera giftur. Hann sagði mér það sem ég vildi heyra. Hann vissi ég hefði gott siðgæði.“
Chris sagði að þau Shanann „stunduðu ekki kynlíf lengur,“ við elskhuga sinn. Chris talaði illa um Shanann: „Hann sagði mér að hún beitti hann andlegu ofbeldi. Hann sagðist ekki elska hana lengur. Ég vissi að eitthvað væri að heima hjá honum. Ef ekkert væri að, hefði hann ekki langað að vera með mér.“
Síðan Chris var handtekinn hafa þeir ekki verið í neinum samskiptum en maðurinn segir að hann hafi séð mikla óhamingju í augum hans: „Hann hefur ekki enn verið dæmdur en siðblinda getur leitt til þess að fólk lifi tvöföldu lífi. Hann gæti alltaf hafa verið að segja mér það sem ég vildi heyra.“
Aðspurður segist hann ekki vita hvort Chris hafi framið morðin: „Þú veist aldrei hvað fólk er fært um að gera og hann málaði sig upp sem fórnarlamb í mínum augum og ég vorkenndi honum. Ef hann er dæmdur vona ég að hann dveljist í fangelsi það sem eftir er.“
