Leikarinn geðþekki er kominn með nýja kærustu sem er engin önnur en stjúpdóttir stjörnuleikarans Al Pacino, Camila Morrone. Hún er tvítug en Leo er 43 ára. Hann er þó þekktur fyrir að njóta mikillar kvenhylli ennþá, enda um glæsilegan leikara að ræða.

Miðvikudaginn 28. mars sást hann fara í morgunmat í vestur Hollywood með Camilu. Al, 77, er fósturfaðir hennar en hún er argentísk fyrirsæta og leikkona. Þau hafa verið að hittast síðan í byrjun árs 2018 en þetta er í fyrsta skipti sem þau sjást opinberlega saman. Létu þau vel að hvort öðru og virtust afar ástfangin.

Leo var síðast í sambandi við Ninu Agdal en þau hættu saman eftir að hann sást kela við hina 19 ára Juliette Perkins.