Courtney Stodden, sem varð þekkt fyrir að giftast leikaranum Doug Hutchison aðeins 16 ára gömul þegar hann var fimmtugur, er nú í sárum eftir að hann vill ekkert með hana gera. Í póstum sínum á samfélagsmiðlum hefur hún grátið og beðið hann um að hætta við skilnaðinn sem er á lokastigum því hún sé hreinlega að „deyja án hans.“
Courtney sem nú er 23 ára gömul hefur átt erfitt eftir skilnaðinn. Hún hefur hitt fullt af mönnum á því ári síðan leiðir skildu en Courtney vill nú engan annan en Doug.
„Við erum ekki á góðum stað núna,“ segir hún um hann. „Ég særði hann mjög. Ég verð samt að fá hann til baka, ég er að deyja án hans.“
Grét Courtney mjög í myndböndum sem hún deildi á samfélagsmiðlum vegna mannsins sem móðir hennar leyfði henni að giftast þegar hún var bara táningur.
„Ég þarf Doug í líf mitt. Ég hef hafnað honum allt of lengi. Mér líður skelfilega. Hann er sá eini sem ég hef getað reitt mig á.“ Raunveruleikastjarnan útskýrði af hverju hún væri á samfélagsmiðlum að tjá ást sína á honum: „Ég er bara að sýna honum hversu mikið ég elska hann, eins mikið og ég get.“
