Kylie Jenner er búin að halda aðdáendum sínum í mikilli spennu undanfarna mánuði vegna hugsanlegrar meðgöngu, en flestir reiknuðu með að hún myndi eiga í febrúar. Í raun eru samt margir á þeirri skoðun að hún sé nú þegar búin að eiga og sé bara að bíða eftir rétta tímanum til að tilkynna barnsfæðinguna.

Nú hefur Caitlyn Jenner, foreldri Kylie, rennt stoðum undir þá kenningu þegar hún kom fram í þætti Piers Morgan, Piers Morgan’s Life Stories. Fyrrum Ólympíukappinn hikaði og stamaði þegar hún var spurð hversu mörg barnabörn hún ætti. Hún þurfti að hugsa sig um og virtist spurningin koma henni á óvart: „Ég á 12…..13 barnabörn,“ sagði hún, sem var ekki rétt.

Hún á í raun 11 – þrjú á dóttir hennar Cassandra, Burt sonur hennar eitt, Brandon sonur hennar eitt, Kourtney á þrjú, Kim á tvö og Rob á eitt.

Kemur þetta í kjölfar viðtals Ellen við Khloe Kardashian þar sem hún varðist fimlega nærgöngulum spurningum Ellenar, en þú getur séð viðtalið HÉR.