Leikarinn Tom Cruise er nú kominn með nýja konu í líf sitt. Er hann nú að hitta meðleikkonu sína Vanessu Kirby – og parið sást kyssast við tökur á Mission Impossible: 6. Samkvæmt In Touch Weekly, er Tom nú þegar farinn að skipuleggja brúðkaupið og segja þau að búist sé við að þau gangi í það heilaga „snemma á næsta ári.“

„Tom varð afskaplega hrifinn af leik hennar og sagði við hina framleiðendur Mission: Impossible að hann yrði að fá Vanessu í stærra hlutverk í næstu mynd. Hann vill gera hana að næstu Mrs. Tom Cruise,“ er haft eftir ónefndum heimildarmanni.

Svo virðist sem þau hafi náð saman á fyrsta degi: „Hann er gersamlega í skýjunum og hefur heillað hana með orku sinni og nærveru. Honum finnst hún fullkomin sem næsta eiginkona sín.“

Leitt að Suri, dóttir hans, mun ekki fagna með honum en greint hefur verið frá af hverju hann hefur ekki séð hana í fjögur ár.