Hægeldaðar perur með mascarponerjóma…með espressó og vanilluangan… það er ósköp fátt hægt að segja um þennan eftirrétt en þið verðið bara að prófa hann. Þið megið senda okkur hate-mail ef hann slær ekki í gegn. þessi eftirréttur var valinn einn af 20 bestu eftirréttum allra tíma af Huffington Post.

Perurnar:

4 perur
2 mtsk sítrónusafi
1 matskeið sykur
2 matskeið vatn
2 matskeiðar ósaltað smjör

mascarpone rjómi:
1 bolli rjómi
1 vanillubaun
1 bolli mascarpone
1/4 – 1/3 bolli sykur
2-3 matskeið espresso kaffi kalt

Til skrauts:

kakó duft
ristaðar möndlur

Svona eldið þið perurnar:

Hitið ofninn á 180 gráður. Skerið perur í tvennt og takið kjarnann úr. leggið þær á bakið í ofnfast mót. Hellið sítrónusafanum yfir þær og sykrið og setjið vatnið í botn bökunarmótsins og inn í heitan ofn. Bakið í 30 mín. Snúið þeim við og bakið í aðrar 30 mínútur og hellið safanum sem er í mótinu yfir perurnar af og til. Kælið að stofuhita.

Mascarponerjóminn:

Hellið rjómanum í skál sem þið notið til að þeyta í og skafið innan úr vanillubauninni ofan í. Kælið í klukkustund. Rétt áður en þið berið fram bætið þá mascarpone og kaffinu útí á rjómann sem þið þeytið samanvið á miðlungshraða þar til allt samlagast. Setjið þeytarann á mesta hraða og bætið sykrinum samanvið þar til allt hefur þykknað vel.

Framreiðsla:

Setjið peruhelming á disk, setjið vænan skamt af mascarponerjómanum og skreytið með kakódufti og ristuðum möndlum. Svo má líka þekja diskinn með mascarponerjómanum og setja perurnar ofan á…Þú ræður!