Erótískar fettur og brettur hinnar rússnesku kontorjónista sem bera má augum á hrikalegu dagatali nú á komandi ári, eru allt annað en auðveldar ásýndar. Reyndar er svo að stúlkan sem gengur undir sviðsnafninu Zlata ætlaði dagatalinu einmitt að vera tælandi, skemmtilega stuðandi og kynþokkafullu; allt í einum tilgangi – að ná sér niður á fyrrverandi eiginmanni sínum, sem sleit hjónabandi þeirra fyrir skömmu síðan.

„Ekki bregðast við í reiði, jafnaðu frekar metin.” Einhvern veginn svona gæti þá orðtakið „Don’t get mad, get even” útlaggst á íslenskri tungu og svo virðist sem Zlata, (sem heitir réttu nafni Julia Gunthel) hafi borið árangur sem erfiði, en heimsbyggðin stendur á öndinni og miðlar vestanhafs keppast við að birta valin sýnishorn úr dagatalinu, sem logar bókstaflega af liðamótalausum þokka. Meðan á öllu fjölmiðlafokinu stendur, starir sennilega fyrrum eiginmaður Zlötu langeygur á háerótískt dagatalið, sem hann getur gert sér að góðu á komandi ári, en sjálf er stúlkan hins vegar óravegu í burtu frá fyrrum ástmanni sínum og orðin heimsfræg í ofanálag.

Að sögn Daily Mail uppgötvaði Zlata eigin hæfni þegar hún var einungis fjögurra ára að aldri, en hún er að eigin sögn, þjökuð af óskilgreindu heilkenni sem gerir að verkum að hún er nær liðamótalaus og getur fett og brett líkamann í ótrúlegustu stöður án nokkurrar fyrirhafnar. Ferilinn hóf hún í fimleikum, en gerðist  kontorjónisti á unglingsárum og ekki ber á öðru en að hin 29 ára gamla þokkadís hafi ratað á rétta hillu í lífinu.

Dagatalið má kaupa gegnum Amazon, en hér fara svipmyndir af dagatali Zlötu, sem ber einfaldlega heitið Beauty Embodied in Flexibility, eða fegurðin sem fólgin er í liðleikanum: