Tælandi hnésokkar úr hátískulínu sjálfrar Rihönnu skora hátt á óskalistanum þessi jólin og er stúlkunni augljóslega margt til lista lagt. Þannig hrinti Rihanna úr vör freistandi sokkalínu í samvinnu við tískumerkið Stance fyrr á þessu ári og sló samstarfið algerlega í gegn.
Fyrsta lína RiRi bar þannig heitið Murder Rih Wrote með beinni tilvísun í hrollvekjandi metsölusmell hennar Bitch Better Have My Money, en línan kom út í júli á þessu ári.
RiRi, sem hefur umsjón með hönnunarþætti sokkalínunnar, kynnir nú jólalínuna sem inniheldur meðal annars slóganið Broke Bitch á tásokkum, ökklasokka með tælandi bjöllum og hnéháa og ögrandi nælonsokka með munúðarfullum fjaðrakanti.
Línuna má alla nálgast HÉR en að neðan má sjá RiRi í myndveri með fyrirsætum:
