Nicki Minaj og Taylor Swift hafa grafið stríðsöxina eftir tilfinningarík átök á Twitter fyrir skemmstu, sem skóku poppheiminn og tróðu þannig eftirminnilega upp á sviði MTV VMA verðlaunafhendingarinnar í gærkvöldi, þar sem Kanye West tilkynnti meðal annars fyrirhugað framboð til forseta og Justin Bieber grét hástöfum á sviði.

Nicki, sem hlaut meðal annars viðurkenningu sem besti Hip-Hop listamaðurinn, sparaði hins vegar ekki stóru orðin og sendi sjálfri Miley Cyrus fingurinn á sviði svo ljóst er að átökin eru hvergi nær á enda – en sérfróðir telja þó að opinbert rifrildið hafi verið sett á svið og að þær Miley og Nicki séu bestu mátar að tjaldabaki.

Heildarlista yfir útnefnda og sigurvegara kvöldsins má sjá á vef Rolling Stones en ritstjórn slær botninn í umfjöllun MTV VMA verðlaunaafhendingarinnar sem fram fór í gærkvöldi með stórglæsilegu opnunaratriði Nicki og Taylor, sem sýnir og sannar að samstaða skilar mestu:

.@NICKIMINAJ just killed it opening the #VMAs and so did her special guest! http://t.co/Xpl2djiKQ4

— MTV (@MTV) August 31, 2015