Karlkyns fyrirsætan og dansarinn Josh Kloss hefur nú ásakað Katy um að girða niður um hann í partýi í Hollywood til að allir gætu séð getnaðarlim hans. Segist hann hafa orðið gríðarlega „hvumsa” og skammast sín mjög.
Josh lék elskhuga Katy í myndbandinu „Teenage Dream” árið 2010. Setti hann póst á Instagram þar sem hann lýsir þessum niðurlægjandi tilburðum stjörnunnar. Fyrst fannst honum Katy „svöl og vingjarnleg” en það breyttist fljótt. „Þegar aðrir voru nálægt var hún ísköld og sagði að það væri „ógeðslegt” að kyssa mig á meðan tökum stóð. Það var niðurlægjandi en ég gaf mig allan í þetta, þar sem að mín fyrrverandi var upptekin við að halda framhjá mér og dóttir mín var bara smábarn, ég vissi að ég myndi þurfa að þola þetta út af henni.”
Níu ár eru síðan myndbandið kom út og deildi Josh því myndum úr myndbandinu og sagði: „Eftir fyrsta tökudaginn bauð Katy mér á strippklúbb í Santa Barbara. Ég sagði nei og sagðist þurfa að fara á hótelið og hvíla mig því þessi vinna væri allt sem ég hefði núna.”
Hitti hann svo Perry nokkrum sinnum eftir að hún hætti með Russell Brand árið 2011. Í eitt skiptið niðurlægði hún hann gersamlega: „Í þetta eina skipti tók ég vin með sem var að deyja, hann langaði svo að hitta hana. Þetta var afmælispartý Johnny Wujek á Moonlight Rollerway. Þegar við sáum hana og föðmuðumst var ég enn skotinn í henni. Þegar ég kynnti vin minn, dró hún Adidas buxurnar mínar og nærbuxurnar út eins mikið og hún gat til að sýna tveimur samkynhneigðum vinum sínum og fólkinu í kringum okkur tippið á mér. Getið þið ímyndað ykkur hversu ömurlegt og vandræðalegt þetta var?”
Katy hefur ekkert tjáð sig um málið en Josh vildi deila þessum skilaboðum til að sýna að menn geta verið fórnarlömb líka, sérstaklega valdamikilla kvenna: „Ég er bara að segja þetta núna því menningin er að reyna að sanna að valdamiklir karlmenn séu pervertar. Konur við völd eru alveg jafn ógeðslegar.”
Josh fékk aðeins 650 dali fyrir að leika í „Teenage Dream” myndbandinu og var varaður við að ræða hana ekki opinberlega.
Þrátt fyrir þetta sér Josh Katy sem „ótrúlegan leiðtoga” og hann fílar kraftmikla tónlist hennar.
Færslu Josh má sjá hér að neðan:
