Leikarinn Brad Pitt getur ekki hætt að reykja og börnin hans eru að „fríka út” því þau eru svo hrædd um hann.

„Brad hefur verið að veipa í einhvern tíma, en nú nýlega hefur hann farið að reykja sígarettur aftur og það eru tveir pakkar á dag. Enginn hefur meiri áhyggjur af honum en börnin hans,” segir vinur leikarans.

„Þau eru afskaplega meðvituð um heilsuna og hefur verið kennt frá unga aldri að reykingar séu skelfilegar, þrátt fyrir að báðir foreldrar þeirra hafi verið reykingamenn af og til í gegnum ævina.”

Brad (55) hefur verið undir miklu álagi síðustu misserin þar sem þau Angie eru í skilnaðarbaráttu og forræðismáli vegna barnanna, þeirra Pax, 15, Zahara, 14, Shiloh, 13, og 10 ára tvíburanna Knox og Vivienne.

„Angie tókst að hætta í nokkur ár og krakkarnir voru svo stoltir. Brad er hinsvegar mjög mikill fíkill og krakkarnir hafa af honum miklar áhyggjur.”