Þau voru einu sinni saman en hafa nú endurvakið vinskapinn í Los Angeles. Angelina Jolie hefur augastað á hjartaknúsaranum Colin Farrell en þau áttu í sjóðheitu sambandi við tökur á Alexander árið 2004: „Þau eru mjög breytt síðan þá, í þá villtu daga. Colin er breyttur maður – hann er meira fyrir að lifa á heilbrigðan hátt og styður mörg góðgerðarmálefni. Hann er líka afar góður pabbi drengjanna James (15) og Henry (9)” segir nafnlaus heimildarmaður í viðtali við Radar.

Colin (42) talar sjaldan um ástarlíf sitt og hefur hann verið í sambandi af og til við Kelly McNamara í nokkur ár.

Angie er einhleyp og „ákveðin í að kanna tenginguna frekar sem þau eiga og hún myndi ekki hugsa sig um í eina sekúndu” ef hún ætti möguleika á stefnumóti.

Einnig bendir hann á að það hafi ekki verið nein tilviljun að Angelina mætti með fjögur barnanna sinna á frumsýningu Dumbo, mynd Colins.