Leikarinn og hjartaknúsarinn Channing Tatum er ekki búinn að vera lengi á markaðnum, en hann og Jenna Dewan skildu fyrir ekki svo löngu. Nú er hann farinn að hitta söngkonuna og Íslandsvininn Jessie J og þau hafa að vera að hittast í um tvo mánuði!
Channing hefur sést á tveimur tónleikum Jessie, einum í Seattle og öðrum í Salt Lake City, nú síðast á mánudag. Á laugardaginn síðasta þegar hún var í Seattle fóru þau í mini golf. Þykir Jessie sláandi lík Jennu, fyrrverandi hans Channings.
Channing og Jenna skildu í aprílmánuði á þessu ári. Í september sagði People tímaritið frá því að þau bæði væru að hitta nýtt fólk: „Jenna hefur farið á nokkur stefnumót en talar ekki um kærasta,“ sagði heimildarmaður þá og sagði að hún væri að ferðast milli L.A og Atlanta fyrir hlutverk hennar í The Resident sem er tekin upp í Georgiu.
Channing hefur líka verið að fara á einhver stefnumót en segist bara vera að „hafa gaman“ en það sé „ekkert alvarlegt.“ Ekki þar til núna allavega!
