Caitlyn Jenner er ekki í uppáhaldi margra í Kardashian klaninu eftir að hún gaf út umdeilda ævisögu sína en fyrrverandi tengdasonurinn Kanye West er enn hennar besti vinur.
Á miðvikudag fór rapparinn á Twitter og deildi skjáskotum af sms-samtölum við Cait. Segir Cait að Sophia hafi elskað nýju línuna hans og hann þakkar fyrir.
Fyrrum stjúpdætur Caitlyn, þær Kim, Khloe og Kourtney hafa ekki viljað hafa samband við hana þar sem hún heldur því fram að þær hafi bara áhuga á peningum og ekki henni. Þær slitu öllu sambandi við hana í kjölfarið og líka Kris Jenner.
Kanye og Cait hafa tengst sterkum böndum eftir kynleiðréttingu Cait og þau eru mjög náin. Kanye er nánari Cait en Kris. Þau deila ýmsum skoðunum og hugmyndum, m.a. pólitískum: „Þau tala saman tvisvar til þrisvar á dag. Hún fyllir í tómið í hjarta hans.“
Kim er sögð afar óánægð með þessa tilhögun eiginmannsins og fyrrum stjúpa.
