Hertogaynjurnar fylgdust með vinkonu sinni, Serenu Williams: Svilkonurnar Meghan Markle og Kate Middleton áttu greinilega góða stund á Wimbledon í dag þar sem þær fylgdust með Serenu Willams í lokakeppninni. Þær voru í góðu skapi og hlógu mikið og voru eflaust glaðar að geta átt stelpuhitting saman.

Í dag var tólfti dagur keppninnar og lék veðrið við þær þar sem nærri 30°C eru í Bretlandi þessa dagana. Þetta var í fyrsta sinn sem þær fara saman út opinberlega, án eiginmannanna Harry og Williams.

Fyrir þennan leik horfðu þær á bónus-úrslitaleik milli Rafael Nadal og Novak Djokovic.

Þær voru spenntar fyrir leiki dagsins og hittu drengi og stúlkur, yngri spilara, fyrir leikinn þar sem hertogaynjurnar af Cambridge og Sussex léku á alls oddi. Einnig hittu þær fyrrum spilara Wimbledon, eldri konur og áttu góða stund með þeim.

Meghan var í Ralph Lauren kjól og Kate var í Jenny Packham kjól.