Það hefur andað köldu milli söngkvennanna Katy Perry og Taylor Swift undanfarin ár. Katy sendi Taylor afskaplega sætt bréf á dögunum og bað hana afsökunar. Taylor póstaði stuttu myndbandi á samfélagsmiðla ásamt hjörtum og sagði „Thank you Katy“ og hjörtu.

Af myndinni að dæma stendur í bréfinu: „Hæ gamla vinkona, ég hef verið að íhuga það sem miður fór á milli okkar og særðar tilfinningar. Ég vil hreinsa loftið…“ Svo endar Katy á að segja að hún biðjist innilegrar afsökunar á einhverju.

Taylor er þekkt fyrir ástar/haturssambönd milli sín og vinkvenna sinna. Vonandi verður friðurinn til lengri tíma hjá þeim stöllum.