Breski leikarinn Charlie Heaton sem leikur í þáttunum geysivinsælu Stranger Things komst ekki á frumsýningu þáttanna því honum var neitað að koma til Bandaríkjanna þar sem kókaín fannst í fórum hans. Önnur sería þáttanna var frumsýnd um síðustu helgi. Leikarinn, sem er að hitta meðleikkonu sína, Natalia Dyer, á líka barn sem kom öllum að óvörum.

Var hann í hljómsveitinni Comanechi og átti í eldheitu ástarsambandi við stúlku úr hljómsveitinni Akiko Matsuura, áður en hann fékk hlutverk í þáttunum. Akiko varð ófrísk árið 2014 og á hann því þriggja ára dreng. Er Charlie 23 ára í dag. Gula pressan logar vegna fréttanna en ekkert hefur fengið staðfest enn. Er búist við að drengurinn búi hjá móður sinni.

Charlie sem leikur Jonathon Byers í þáttunum var á LAX, flugvellinum í Los Angeles þegar fíkniefnahundar sýndu honum mikla athygli. Tollverðir fundu hvítt duft í fórum hans. Var það ekki mikið magn, en Charlie var sendur aftur til London. Hann var ekki handtekinn.