Forsetafrú Bandaríkjanna, Melania Trump, hefur verið skotspónn netverja að undanförnu og nú er það útlitið. Til dæmis má nefna að hún mætti á háum hælum á flóðasvæðin. Það síðasta sem fer í taugarnar á fólki hefur vakið undrun og jafnvel smá fliss.

Ef þú hefur verið að fylgjast með fréttum undanfarna daga, m.a. heimsókn Donalds og Melaniu Trump til Las Vegas eftir hryllinginn síðasta sunnudagskvöld gætir þú hafa séð myndir af forsetahjónunum.

Því miður hefur fókusinn verið á Melaniu þegar hún er við slíka opinbera viðburði. Fólk hefur verið að velta vöngum yfir því af hverju í ósköpunum hún er alltaf með sólgleraugu…meira að segja þegar dimmt er að kvöldi til.

Margir Twitterverjar sögðu að það væri til þess að hún gæti ranghvolft augunum að vild vegna eiginmanns síns þegar hann væri að tjá sig. Kannski er hún líka viðkvæm vegna augna sinna. Tregða hennar til að fjarlægja sólgleraugun hefur vakið upp spurningar fólks víða um veröld. Þegar hún hitti fólk sem lifði fellibyljina af var hún með þau á sér…allan tímann. Sumir sögðu að það væri vegna skorts á samúð með fólkinu.