Leikkonan dáða, Cameron Diaz er orðin 44 ára gömul og hefur séð bjartari daga. Hún hefur ekki leikið í mynd síðan árið 2014, en það var í endurgerð myndarinnar Annie. Nú hefur hún frétt að hún geti ekki eignast börn en eftir því hefur hún beðið í mörg ár. Hún er gift rokkaranum Benji Madden. „Cameron er orðin örvæntingarfull vegna þess hún getur ekki eignast börn. Í stað þess að vera móðir sjálf er hún einskonar stjúpmamma allra barna vina sinna,“ segir vinur stjörnunnar og heldur áfram: „Það hlýtur að vera sárt. Cameron hefur tapað mikið af sjálfstæði sínu og það var stór hluti af sjálfstrausti hennar.“

Þrátt fyrir að Benji sé kærleiksríkur og styðjandi er Cameron einnig að berjast við þær tilfinningar sem fylgja því að hún fær ekki vinnu lengur í kvikmyndum. Hefur hún því leitað til sálfræðinga og sást fara út af slíkri skrifstofu í Los Angeles á dögunum og talið er að hún sé í einhverskonar lífskrísu.

„Tímarnir virðast hjálpa þar sem hún er enn að sækja þá. Það er samt erfitt fyrir Cameron að vera ekki drottningin lengur og vinna ekki á sama hraða og hún var vön áður. Það eru mörg ár síðan hún lék í mynd – og hvað þá metsölumynd.“