The Mind diet eða matur sem eflir hugann er afar vinsæll þessa dagana vegna þess hann styður heilbrigðan huga og minnkar líkurnar á að fá heilasjúkdóm á borð við Alzheimer. Er mataræðið sambland af miðjarðarhafsmataræði og DASH mataræði, sem hvoru tveggja hafa ákjósanleg áhrif á heilsuna.
Martha Clare Morris hjá Rush University Medical Center vildi finna mataræði sem væri gott fyrir heilann. Markmið hennar var að finna fæðu sem minnkaði líkur á að fólk fengi Alzheimers.
Miðjarðarhafsmataræðið miðar helst að því að borða sem náttúrulegastan og hreinastan mat, og minnka óholla fitu og rautt kjöt í fæðunni. DASH mataræðið (e. Dietary Approaches to Stop Hypertension) eða mataræðið sem miðar að því að minnka háþrýsting, hjálpar fólki að minnka saltmagn í fæðu og lækka blóðþrýsting.
Morris sagði í viðtali við Live Science að rannsakendur hefðu viljað finna það besta úr þessum kúrum því einfalt væri að fylgja þessum reglum. MIND mataræðið miðar að því að borða þessar 10 fæðutegundir á hverjum degi og forðast þessar fimm.
Þessar fæðutegundir skal borða:
Grænmeti
Laufgrænt salat
Ber, sérstaklega bláber
Hnetur
Baunir
Vín
Heilhveiti/trefjar
Fisk
Kjúkling
Ólífuolíu
Fimm fæðutegundir sem skal forðast:
Steiktan mat eða skyndibita
Rautt kjöt
Ostar
Smjör eða smjörlíki
Kökur eða sælgæti
Reglurnar eru svona:
Borðaðu þrjá skammta af trefjaríkum mat á hverjum degi
Borðaðu salat á hverjum degi
Eitt grænmeti á dag
Glas af víni á dag
Borðaðu hnetur næstum daglega
Baunir annan hvorn dag
Kjúkling og ber a.m.k. tvisvar í viku
Fisk einu sinni í viku
Þú mátt borða óhollan mat, en bara einu sinni í viku
Minna en ein teskeið af smjöri er leyfð á dag
Það sem þú getur grætt á mataræðinu:
Reiknað er með að hálf milljón Bandaríkjamanna undir 65 ára aldri hafi einhver einkenni heilabilunar eða elliglapa, s.s. Alzheimer. Morris prófaði þennan kúr í um áratug með 923 eldri borgurum. Rannsóknarniðurstöður sýndu að 53% þátttakenda minnkuðu líkurnar á Alzheimer sjúkdómnum.
