Fyrrverandi eiginmaður Kourtney Kardashian hefur játað að eiga við kynlífsfíkn að stríða eftir að hann bauð konu með í fjölskyldufrí. Hefur hann verið iðinn við kolann í kvennamálum undanfarið þó hann játi að elska Kourtney. Í nýrri stiklu fyrir þættina Keeping Up With The Kardshians sést glögglega hvernig Scott segir að Kourtney sé ástin í lífi sínu og faðmar hana, en umrætt atriði var tekið upp í fjölskyldufríi til Costa Rica.

„Þetta á aldrei eftir að ganga,“ játar Kourtney. Nokkrum mínútum síðar uppgötvast að hann er þar með annari konu. Kim kallar hann „f**** hóru“ þegar upp kemst að hann hefur boðið konunni, fyrirsætunni Bellu Banos, með honum í fríið sem átti að snúast um fjölskylduna. Scott, í tárum, öskrar: „Ég er kynlífsfíkill!“

Í næstu klippu sést Kim gráta eftir ránið í París og þegar hún fréttir af Kanye og niðurbroti hans.

„Ef lyftan opnast ekki á réttum tíma er ég f***“ segir hún við systur sínar og grætur.

„Allt hefur breyst, en við getum ekki verið hrædd,“ segir Khloe: „Við getum ekki látið fólk hræða okkur að lifa okkar lífi.“