Stóra ananasmálið sem ástkær forseti vor, Guðni Th hóf og sér ekki fyrir endann á, heldur áfram. Guðni gantaðist með að ananas ætti ekki að vera leyfður á pizzur og vakti málið heimsathygli og þar sem fólk hefur afskaplega sterkar skoðanir á pizzuáleggjum (hverjum datt það í hug?) Kona nokkur í Bretlandi fékk að kenna á þessu á dögunum en færsla hennar á Twitter hefur einnig farið út um allan heim. Svo virðist sem henni hafi hreinlega verið meinað að panta ananas á pizzuna sína, en umræddur pizzastaður er á móti Hawaiian pizzu alfarið.

Í pizzukassanum voru skilaboð þess efnis að þeir hreinlega gætu ekki sett ananas á pizzuna: Sorry, það er ógeðslegt, stendur inni í kassanum. Svo fékk hún fimm punda seðil til baka.

Í Bretlandi eru sveppir allra vinsælasta áleggið eins og sjá má á meðfylgjandi mynd. 42% fólks vilja ananas en óvinsælustu áleggin eru ansjósur, ólífur og túnfiskur.