Brooke Mueller, fyrrum eiginkona leikarans Charlie Sheen hefur ákveðið að fara aftur í meðferð eftir afar furðulega hegðun undanfarinna vikna. Tók hún kast í Salt Lake City, fyrst á bar og svo annað fyrir utan bensínstöð. Samkvæmt systur Brooke, Sydney Wolofsky var hún lögð inn á spítala: „Eftir að það rann af henni spurði mamma hana hvað hún vildi gera og þá sagði hún að hún vildi fara aftur í meðferð og vera þar í langan tíma. Ég veit við ætlum að hitta hana um jólin, við förum á meðferðarstöðina og eyðum tíma með henni.“

Brooke fór í sína tuttugustu meðferð á þessu ári í janúar og hefur fallið nokkrum sinnum. Hún og Charlie eiga tvíburana Max og Bob sem eru sjö ára. Var hún handtekin með strákana berfætt á flandri. Sydney segir: „Brooke vill hitta strákana um jólin. Þeir sakna hennar og elska afar heitt. Þeir vita hvað er í gangi og að mamma er að fá hjálp.“ Tvíburarnir dveljast nú hjá móður Brooke.

Brooke er HIV smituð eins og Charlie Sheen sem einnig hefur átt við eiturlyfjafíkn að stríða.