Hvernig veistu að þú ert snillingur? Það eru ýmis teikn á lofti önnur en gáfnapróf og segja vísindin okkur að sumir hættir mannanna greini þá frá öðrum – og sumir eru bara gáfaðari en aðrir!
Í fyrsta lagi er það talið gáfumerki að blóta! Jú í alvöru! Rannsókn sýnir að fólk sem blótar hefur yfirleitt stærri orðaforða en þeir sem blóta ekki. Þannig haldið þið hin bara kj….!
Draslið er vinur þinn
Þú ert kannski ein/n af þeim sem segir að drasl sé ekki drasl….þar til einhver annar sér það þýðir það að þú ert „skipulagður draslari.” Rannsakendur í háskólanum í Minnesota létu tvo hópa fólks finna nýjar leiðir til að nota borðtennisbolta og niðurstöðurnar: Jú, þeir sem höfðu meira drasl í kringum sig fundu upp fleiri nýjar aðferðir en hinir og áttu auðveldara með að slíta sig úr viðjum vanans.
Þú þolir ekki ef fólk smjattar
Það er til raunverulegt heilkenni á ensku sem kallast „misophonia” en það hrjáir um 20% fólks. Það þýðir í raun að vera mjöööög viðkvæmur fyrir ákveðnum hljóðum. Rannsakendur fundu að þetta fólk hefur mun frjóari hugsun en aðrir sem finna ekki fyrir því.
Þú talar við sjálfa/n þig
Sumir telja að það sé til marks um einhverja „klikkun” að tala við sig sjálfan en svo er ekki. Það hjálpar heilanum að vinna á áhrifameiri hátt. Sjá greinina HÉR
Þú elskar að vaka lengi
1000 ungmenni voru rannsökuð í háskólanum í Madrid á Spáni og voru niðurstöðurnar óyggjandi: Þau sem vöktu lengur frameftir voru mun gáfaðri en aðrir sem fóru snemma í háttinn!
Þér finnst gaman að krota
Kannski hefur einhver skammað þig fyrir að krota of mikið í bækurnar þínar eða eitthvað álíka. Það þykir hinsvegar gáfumerki samkvæmt þessari rannsókn og sýnir að þú hefur einbeitningu og manst hluti betur.
