Kim Kardashian West var rétt í þessu að pósta mynd af sér, Kourtney og vini þeirra Jonathan Cheban um borð í þyrlu sem flýgur með þau yfir öræfi Íslands á Facebook. Óhætt er að segja að þau hafi verið ánægð með ferðina en visir.is hefur greint frá því að þau hafi bæði verið rekin upp úr potti á Hótel Rangá og tekið vel á því í ræktinni.
Þau brögðuðu einnig alíslenskar pylsur á Bæjarins bestu og fögnuðu afmæli Kourtneyjar í gær – meðfylgjandi mynd af systrunum má finna á Facebooki Kims:
Birta Líf var svo heppin að taka „selfie“ með Kim sjálfri fyrir tveimur dögum síðan eins og við greindum frá.
Kim póstaði svo mynd á Twitter þar sem Kanye er í einhverju furðulegu sjálflýsandi vesti (kannski til að týnast ekki) frá toppi ónefnds jökuls (sem hugsanlega, samkvæmt sérfræðingum, gæti verið Eyjafjallajökull):
