“Ploom” er nýjasta stjörnuparið ef marka má fréttamiðla vestanhafs. Katy sem er 31 árs og Orlando sem er 39 hafa nú sést æ oftar saman, nú síðast í rómantískri ferð til Hawaii, norðurströnd Kauai nánar tiltekið.
Katy var með tónleika á Grand Waiela Resort á Maui og kom Orlando til að hitta hana. Sjónarvottur sagði í viðtali við ET: “Þau litu út fyrir að vera mjög ástfangin og höfðu ekki augun af hvort öðru. Þeim var alveg sama þó fólk væri að horfa á þau.”
Parið gisti í glæsivillu og gerðu margt að sögn sjónarvotta – fóru í fjallgöngu, þyrluferð og út að borða.
Þau hafa nú þegar fengið viðurnefnið “Ploom” sbr. “Brangelina” um Brad og Angie.
Hvorugt er óvant umtöluðum samböndum en Katy var gift Russell Brand 2010-2012 og var í stormasömu sambandi við John Mayer í nokkur ár. Orlando var giftur súpermódelinu Miranda Kerr frá 201-2013 og eiga þau fimm ára son saman.
