Leonardo DiCaprio sem tilnefndur er (loksins) fyrir bestan leik í aðalhlutverki á Óskarnum í ár hefur nú verið að slá sér upp með fyrirsætunni Roxy Horner. Fréttamiðlar vestanhafs munu vera að velta fyrir sér hvort hann ætli að leiða Roxy á rauða dreglinum þegar hátíðin fer fram, en hann mun vera gjarn á að taka móður sína með sér.

Parið sást saman á Chiltern Firehouse tvö kvöld í röð á dögunum en Roxy býr og starfar í London. Leo hefur verið þekktur fyrir að leggja lag sitt við ungar, myndarlegar fyrirsætur og er Roxy því engin undantekning.