Nördastelpur heimsins fagnið! Covergirl mun gefa út nýja snyrtivörulínu innblásna af Star Wars veldinu!
Línan mun koma í verslanir fyrir frumsýningu sjöundu Star Wars myndarinnar The Force Awakens og vera byggð upp á sex mismunandi persónum úr Star Wars heiminum.
Fyrstu tvö lúkkin sem hafa verið birt kallast „Droid“ og „Stormtrooper“:
Snyrtivörulínan sem var hönnuð af förðunarfræðingnum Pat McGrath mun innihalda:
Fyrir utan það hvað snyrtivörurnar eru fallegar eru umbúðirnar alveg sjúkar! Það eina sem myndi gera þær ennþá betra væri ef varaliturinn eða maskarinn gæti breyst í lítið geislasverð, en það er kannski til of mikils ætlast.
Þetta er ekki í fyrsta skipti sem snyrtivörurisi á borð við Covergirl leitar að innblástri á hvíta tjaldinu. Covergirl hefur áður gert línu byggða á Hunger Games þríleiknum og MAC hefur gefið út línur innblásnar af Malificent og Öskubusku.
Þessar línur hafa rokið út eins og heitar lummur og er líklegt að Star Wars línan verði engin undantekning þar á.
Covergirl hefur tilkynnt að línan muni fara í vefsölu 4.september en í búðir í Bandaríkjunum um miðjan september. Nú er bara að krossa allar fingur og tær að við á Fróni fáum tækifæri til að næla okkur í eintök úr þessari flottu línu.
