Elsta starfandi súpermódelið er hin breska 86 ára Daphne Selfe. Við féllum í stafi yfir þessari glæsilegu konu enda ekki skrýtið.
Hún er tíguleg og leiftrar af lífsþrótti. Hún starfar enn sem módel en ferill hennar spannar tæplega 70 ár eða allt frá því að hún vann módelkeppni þá rétt tuttugu ára gömul.
Nýverið kom út bók um ævi hennar „The way we wore“ –A life in clothes.
Aðspurð segist Daphne aldrei hafa farið í andlytslyftingu, aldrei látið sprauta andlit sitt með botox og að smá Ponds (Cold cream) sé eina fegurðarrútínan hennar.
Daphne vinnur með helstu tískugúrúum heims svosem eins og Dolce & Gabbana og ferðast oft til Parísar vegna vinnu sinnar en hún er enn að ganga cat-walk á stórum tískusýningum.
Hún segist ekki óttast neitt nema það að veikjast og það að verða öðrum byrði.
Það er sennilega lítil hætta á því þar sem Daphne þrátt fyrir að vera komin nálægt níræðu virðist njóta lífsins af krafti eins og ung manneskja.
Daphne er með Instagram síðu og það er virkilega gaman að fylgjast með þessari drottningu þar.
