KVENNABLAÐIÐ

Kviknakin Kylie (18) gerir allt VITLAUST í gullslegnum hjólastól á forsíðu Interview

Kviknakinn bossi hinnar 18 ára gömlu Kylie Jenner blasir ófeminn við lesendum Interview í desemberútgáfunni og er stúlkan eins og uppstoppuð dúkka í ögrandi latexmúnderingu inni í blaðinu. Þó er það ekki sú staðreynd að Kylie berar nær allt á blaðsíðum Interview, heldur að hún skuli sitja fyrir í gullslegnum hjólastól, íklædd dómínugalla og svimandi háum pinnahælum, með matt gloss á vör og steindautt augnaráð.

cii6syw4tfqjtvgzkwzk

Fatlaðir víða um heim hafa lýst yfir hryllingi, hneysklan og sárum vonbrigðum yfir ákvörðun Kylie og segja afleitt að vísa ábyrgðinni yfir á ljósmyndarann sjálfan, þar sem stúlkan sé ekki uppstoppaður og skoðanalaus safngripur heldur manneskja af holdi og blóði sem axlar siðferðislega ábyrgð gagnvart sístækkandi hópi aðdáenda víða um heim.

abgcfznrx1dockc1aexq

Einhverjir vilja þó meina að tilvísunin með ljósmyndinni af hálfnakinni Kylie í hjólastólnum sé háðuleg skírskotun til kynlífstóla og karla sem girnast latexdúkkur í fullri líkamssstærð; jafnvel svo þráhyggjukennt að þeir hinir sömu aki gjarna dúkkunum um í hjólastólum á almannafæri.

xc5ligrroronprqaeikw

Kylie, sem ljáir jólaútgáfunni rödd sína líka, segir þannig í viðtalinu að glamúrinn sem einkenni Instagram og Snapchat hennar sé einmitt það sem aðdáendur hennar vilji skoða. Að sjálf hneigist hún ekki til efnishyggju og að væri það ekki fyrir allan skarann sem fylgir henni á Instagram, væri henni sennilega alveg sama um skartgripi og pinnahæla:

acjcvpjqirwokuumcej6

Mér er alveg sama sjálfri og ef það væri ekki fyrir aðdáendur mína, þá myndi ég sennilega ekki einu sinni nota snyrtivörur. En þetta er það sem fólk vill sjá; skartgripi og fallegar handtöskur og þess vegna birti ég svona myndir …

qjybklb2n62i337z8nyt

Viðtalið, sem er að finna í desemberútgáfu Interview – má lesa HÉR

Hæ!

Takk fyrir heimsóknina á sykur.is. Okkur þætti það alls ekki leiðinlegt ef þú myndir fylgja okkur á Facebook. Við erum ekki óþolandi þar. Í alvöru!