Slóttugar mörgæsir sem sluppu á ævintýralegan hátt úr annars öruggum vistarverum sínum í dönskum dýragarði í Óðinsvéum, hugðust smjúga undan árvökulum augum starfsmanna en höfnuðu þess í stað í algerri sjálfheldu.

Það voru örsmá fótsporin sem komu upp um strokufuglana, sem smeygðu sér gegnum rifu á búri sínu og trítluðu vongóðir í leit að algeru frelsi eftir ranghölum dýragarðsins en gengu á vegg – í nær bókstaflegri merkingu.

Atvikið, sem átti sér stað fyrir um það bil viku síðan, var fest á filmu og af atburðarásinni sjálfri sem hér má sjá – er ekki annað að merkja en að æsispennandi sé að starfa í dýragarði – í það minnsta eru mörgæsir allt annað en vitlausar!