Auglýsing
Gleymdu hefðbundinni jógúrt í morgunsárið. Þessi uppskrift er fljótleg, stútfull af hollu próteini og andoxunarefnum – berin eru sneisafull af vítamínum og viðbótin í formi kotasælunnar gefur enn meiri orku. Jógúrtblandan hér að neðan er fljótleg, ljúffeng og freistandi – en hér er komin frábær leið til að viðhalda forminu og næla í orkskot að morgni!
Uppskrift:
1 dós jógurt – hrein jógúrt / berjajógúrt (að eigin vali)
1 dl kotasæla
1 dl bláber eða niðurskorin, fersk jarðarber
2 msk grófkorna múslí
1 tsk malaðar valhnetur eða malaðar möndlur
2 tsk fínrifinn DÖKKUR 70% súkkulaðispænir (valkvætt)
Blandið jógúrt og kotasælu saman í skál, stráið múslí yfir blönduna, bætið við ferskum berjum og stráið örlitlu magni af dökkum súkkulaðispæni yfir allt.
