Mikil áhrif frá sjöunda áratugnum eru í tískunni í sumar. Hippa tíska, gallaefni, khaki og hermannastíll, mynstur, útvíðar buxur, kubbahælar, pinnahælar, stór sólgleraugu, speglagleraugu og allt að gerast.

Ertu að spá í hvernig tískan er í sumar og að spá í að kaupa þér eitthvað fallegt?

Þegar kemur að skóm þá er eitt trend sem er að tröllríða öllu og auðvitað er það „seventýs“ tíska eins og svo margt annað þessa dagana. Kubba hællinn er kominn aftur. Nú eru allir komnir á þennan hæl, hægt að fá misháan.

Pinnahæll og támjóir skór koma líka sterkir inn og þá sérstaklega við útvíðu buxurnar.

Annað sem er „möst“ í sumar er gallajakki og helst á hann að vera ljósblár og stór (víður). Svona eins og var til á öllum heimilium fyrir einhverjum árum síðan.

Og í raun er gallaefni eldheitt í sumar. Gallakjólar, gallabuxur, gallaskyrtur, gallajakkar, gallastuttbuxur og allt galla. Og nú má vera í gallaefni við gallaefni. Gaman að því.

Útvíðar buxur eru líka að rokka í sumar. Nú hvílum við aðeins niðurþröngu gallabuxurnar og verðum svolítð flippuð. Mynstraðar, einlitar, röndóttar og allaveganna.

Sólgleraugun í sumar eru skemmtileg og alveg til að setja punktinn yfir i-ið. Speglar og í lit koma sterk inn, kisugleraugu, stórir rammar og transparent umgjarðir. Aviators eru orðin klassík og eru algjör nauðsyn.