Samfélagsmiðladrottingin Kim Kardashian sneri aftur á samfélagsmiðlana nokkrum dögum eftir að Chicago fæddist, þrátt fyrir að hafa tekið góða pásu eftir að hafa eignast bæði North og Saint. Framkoma hennar við dótturina sem fæddist með aðstoð staðgöngumóður er „allt öðruvísi“ en við hin börnin.
„Kanye og systur Kim taka eftir því að hún er allt öðruvísi við Chicago en hin börnin. Þetta orsakar miklar deilur milli þeirra. Kanye telur hana ekki hafa neinn áhuga á barninu,“ segir innanbúðarmaður í viðtali við Radar.
Til að bæta gráu ofan á svart er Kim að skipuleggja fjórða barnið með aðstoð staðgöngumóður: „Kanye er reiður að hún vilji skipuleggja þetta núna, þar sem hún virðist ekki gera sér grein fyrir að hún er nýbúin að eignast barn. Hún er að hegða sér nákvæmlega eins og áður en hún átti börnin. Allir í fjölskyldunni eru vonsviknir og reiðir út af þessu.“
Kim var ófær um að ganga með þriðja barnið vegna fyrri meðgangna – fékk hún meðgöngueitrun og viðgróna fylgju.
Kim póstaði röð af myndum af sér fáklæddri aðeins dögum eftir fæðingu Chicago og er Kanye að sögn orðinn dauðþreyttur á ástandinu.
