Þetta eru geðveikt sniðugar partývefjur til að bjóða upp á í sumar! Sumarlegt og fallegt! Hver elskar ekki beikon og avókadó … En svona ferðu að því að galdra þessar fram:
- 2 salathöfuð, veljið eins fersk og stinn og hægt er
- 500 grömm saxað beikon, vel steikt.
- 2-2 1/2 bolli smátt skornir tómatar eða helmingaðir kirsuberjatómatar
- 4 avókadó, hýðið tekið af og skorið í smá bita
- salt og pipar
- 2 matskeiðar ólífuolía
- 2 teskeiðar herbes de provence eða ítölsk kryddblanda
1. Setjið söxuðu tómatana í skál og setjið ólífuolíuna og kryddin yfir. Veltið tómötunum vel í olíunni. Leyfið að standa stutta stund.
2. Búið til salatskálarnar/vefjurnar úr salatblöðunum, dreifið tómötunum á milli þeirra, þá næst avókadóbitunum og beikoninu.
Einfalt ekki satt? þetta ætti að duga í 20 vefjur í það minnsta. Njótið lífsins alla daga og bjóðið vinum og ykkur sjálfum upp á brakandi ferska hressingu!
