Rússi nokkur, íbúi í þorpinu Chelyabinsk fékk fimm mínútna frægð um daginn þegar auglýsing fyrir íbúðina hans fór á flug á netinu fyrir að innihalda myndir af hinum þekkta kvikmyndaleikstjóra Quentin Tarantino.

Að sjálfsögðu er sennilega það síðasta sem þú býst við þegar þú skoðar fasteignaauglýsingar að sjá Quentin á öllum myndum. Þess vegna fannst Alexander Kainov það afskaplega góð hugmynd að bæta leikstjóranum á myndirnar. Það var líkt og að leikstjórinn væri að skoða íbúðina og líkaði vel.

Alexander tókst því miður ekki að selja íbúðina í snatri, en vonandi festir einhver æstur aðdáandi kaup á henni.

„Ég er ekki búinn að selja íbúðina enn, en 6000 manns skoðuðu auglýsinguna á fimm tímum. Ég vona að hún nái alla leið til Tarantino líka,“ segir Alexander sem er mikill aðdáandi.