Tvöfalt stefnumót! Þetta myndi sennilega ekki virka hjá flestum, en Gwyneth og Chris hafa sannað að það er hægt að halda í vinskapinn eftir hjónaband. Þegar þau tóku þá meðvituðu ákvörðun að skilja, flissuðu flestir þegar þau sögðust ætla „að vera góðir vinir.”

Þegar um Hollywoodskilnað er að ræða á hann til að verða subbulegur og margir spáðu því að gríman myndi falla en svo var ekki.

Gwyn og Chris neita að hætta að umgangast hvort annað, jafnvel þó nýir makar komi og fari. Þau hafa meira að segja farið í frí með mökunum eins og þau gerðu á dögunum.

Fjórmenningarnir voru barnlausir þegar þau fóru til Hamptons í New York. Gwyneth og eiginmaður hennar Brad Falchuck og kærasta Chris, Dakota Johnson. Þau voru mynduð á ströndinni og var ekki um neinn vandræðagang að ræða.

Gwyneth er sögð hafa hvatt Chris til að halda sambandinu við Dakota, en þau hættu saman um daginn, eins og Sykur greindi frá.

Gwyn og Chris eru mjög góðir vinir og tala saman daglega: „Chris er mjög náinn vinur minn. Ég hitti hann daglega, tala við hann daglega. Okkur hefur tekist að halda áfram að eiga fjölskyldulíf,” sagði Gwyn við ES Magazine nýlega. Hún vill bara að Chris sé hamingjusamur og finnst Dakota vera fullkomin fyrir hann.

Dakota þykir passa vel inn í fjölskyldulífið: „Hún er skemmtileg, fullorðinsleg og áhugaverð. Þau hafa alltaf mikið að ræða. Gwyn sér hversu hamingjusöm þau eru og vill að það verði þannig áfram.”