21 árs stúdína selur notaðan (skítugan) undirfatnað á netinu og fær sem samsvarar 15.000 ISK fyrir parið. Hún kaupir nærbuxur á örfá pund og græðir því á því. Hún rukkar meira því lengur sem hún hefur klæðst þeim. Stundum vilja viðskiptavinirnir fá „selfie“ af henni í nærbuxunum og borga þeir því meira fyrir það.
Stúlkan, sem stundar nám við háskólann í New York, selur varninginn á Craigslist, segir í viðtali við Glamour að hún hafi farið í þennan óvenjulega bransa þegar hún starfaði fyrir framan vefmyndavélar fyrir fé.
Áhorfendur buðu þá í nærfötin sem hún klæddist og hún sá tækifæri í þessu. Hún segir: „Til að vera hreinskilin, að selja nærfötin mín eflir mig því þá er ég í algerri stjórn hvað varðar líkamann minn.“
Mér finnst æðislegt að geta þjónustað fólk með þetta blæti á heilbrigðan hátt
Henni líður aldrei illa eða að hún sé í hættu vegna þessa. Stundum býður hún þjónustu af öðru tagi, til dæmis þénaði hún um 60.000 ISK fyrir að leyfa manni að þefa af handarkrikunum sínum: „Eftir að einn fastakúnni opnaði sig varðandi handarkrikablætið sitt þénaði ég 500 dollara fyrir að leyfa honum að þefa. Við hittumst og ég var næstum fullklædd. Hann þefaði af þeim í um kortér.“
Stúdínan þénar einnig fé sem þjónn og labbar með hunda. Árslaun hennar eru um fimm milljónir ISK á ári.
