Ísköld Jennifer Aniston hefur gefið út að hún vilji alls ekki rekast á fyrrum vinkonu sína, Emmu Stone, neinsstaðar. Það þýðir í raun að La La Land leikkonan er fryst í samkvæmislífinu í Hollywood.

Jennifer (49) varð ekki skemmt þegar hún frétti af Emmu (29) vera að hitta sinn fyrrverandi, Justin. „Emma reyndi að ná til Jen og útskýra aðstæður vegna Justins, en Jen hafði engan áhuga á að heyra hvað hún hafði að segja. Það getur verið að Jen segi að hún sé ekki í sárum eftir skilnaðinn en hún veit nákvæmlega hvað hún er að gera og hún vill Emmu út úr sínu lífi,“ segir nafnlaus heimildarmaður í viðtali við Radar.

Justin og Emma urðu náin eftir að hafa unnið saman að kvikmyndinni Maniac. Ekki leið á löngu þar til þau sáust í innilegum faðmlögum.

Á hinum endanum er Jennfer sem gerir sitt besta að rekast ekki á parið: „Jen reyndi allt hvað hún gat að rekast ekki á Emmu á Ítalíu. Hún var að vinna þar að mynd í Mílanó og Emma var á kvikmyndahátíðinni í Feneyjum.“

Jennifer hefur skipt um starfsmenn og fagfólk sem vinnur fyrir hana því hún vill ekki eiga við þá sem enn tala við Justin. Hún er því búin að ráða nýtt hárgreiðslufólk, stílista og fleira því hún vill ekki vinna með neinum sem vinnur með hennar fyrrverandi.

„Vinir Jen hafa ákveðið að standa með henni og Emma er ekki lengur velkomin í þeirra félagslífi. Skilaboðin eru skýr: Ef þú svíkur Jen þarftu að borga fyrir það,“ segir heimildarmaðurinn að lokum.