Kanye West er milli tannanna á fólki þessa dagana. Er hann framleiðandi nýju plötu rapparans Pusha T og borgaði hann rúmar 9 milljónir ISK fyrir myndir af baðherbergi söngkonunnar heitinnar, Whitney Houston, en baðherbergið var skelfilega nöturlegt, með fullt af áhöldum til fíkniefnaneyslu og drasli.

Frændi Whitneyar, Damon Elliot, hefur fordæmt ósmekklegheit Kanyes en fólk er almennt mjög hneykslað á þörf Kanye til að vekja athygli og umtal.

Umræddar myndir voru teknar af Tinu, frænku Whitneyjar sem nú er edrú, árið 2006, þegar Whitney var á kafi í fíkniefnaneysli. Damon er í sjokki yfir þessu athæfi Kanyes: „Þetta er viðbjóðslegt og hallærislegt. Ég hef þekkt Kanye í mörg ár og við höfum unnið saman.“

„Hann þarf hjálp. Hann þarf að láta leggja sig inn á geðdeild.“

Whitney lét lífið með því að drukkna í hótelbaðkari árið 2012. Kransæðastífla og kókaíneitrun var ástæða andlátsins.

Tónlistarmaðurinn Damon Elliot er sonur Dionne Warwick og segir að þetta athæfi Kanyes sé „alvarlegt ákall um hjálp. Af hverju vill hann særa fjölskyldu mína með því að draga upp gamlar og sársaukafullar minningar? Hann meiðir okkur með því að sýna Whitney í sínu versta ástandi. Hún er fjölskylda, þetta er ekki fjölmiðla„stönt.“ Ég vil að hann biðji okkur afsökunar og breyti plötualbúminu. Hann ber enga virðingu fyrir henni, mér eða fjölskyldunni. Þetta er sárt. Ég held í alvöru að hann þurfi hjálp. Þetta er ekki flott.“

Kanye sem upplifði algert niðurbrot árið 2016, eyddi um níu milljónum ISK í myndina fyrir forsíðu albúms Pusha T „Dayton.“ Pusha deildi á Twitter hversu miklu Kanye hefði eytt í myndina. Sagðist hann ekki vilja eyða svo miklu í albúmið en Kanye krafðist þess að þetta yrði forsíðumyndin og hann myndi greiða fyrir myndina.