Á ekki langt eftir í þessu jarðríki: Barbara Bush, eiginkona George H. W. Bush, hefur oft verið lögð inn á spítala síðastliðið ár og hefur barist við langvinna lungnateppu (e. COPD) og hjartabilun. Heimildir segja að hún dveljist á heimili sínu í Houston þar sem verið er að hugsa um hana og hefur hún ekki hug á því að fara aftur inn á spítala.
Skrifstofa fyrrum forsetans, George H. W. Bush, gaf út yfirlýsingu og staðfesti að „eftir að hafa margsinnis verið send á spítala“ undanfarið ár hefur Barbara ákveðið að afþakka viðbótar læknishjálp.
„Það mun ekki koma þeim á óvart sem þekkja Barböru að hún hefur verið klettur varðandi heilsubrestinn, hún hefur ekki haft áhyggjur af sér sjálfri heldur öðrum, þökk sé óbilandi trú hennar. Hún er umvafin fjölskyldu sem hún elskar og þakkar fyrir kveðjur, skilaboð og bænir sem hún hefur fengið,“ segir m.a. í yfirlýsingunni.
Bush hjónin hafa verið gift í 73 ár. Er Barbara eina núlífandi kona fyrrum forseta og móðir annars fyrrum forseta.
