Dóttir hins sáluga Kurt Cobain og Courtney Love, Frances Bean, fagnar nú því að hafa verið án eiturlyfja og áfengis í tvö ár. Fjölskyldan hefur verið þekkt fyrir m.a. alvarleg fíknivandamál. Þann 13. febrúar síðastliðinn póstaði hin 25 ára fyrirsæta á Instagram áfanganum ásamt fallegum orðum.
Fagnar hún þar kærastanum sínum, rokkaranum Matthew Cook: „Þetta augnablik sýnir hver ég er þann 13. febrúar 2018. Það er eins og þetta sé magnþrungin stund, þar sem þetta er 2ja ára edrúafmælisdagurinn minn.“
Frances hefur oft opnað sig opinberlega um baráttuna við eiturlyfin og vill hún fjarlægja sig þeim lífsstíl, þeim lífsstíl sem hún var alin upp í.
„Ég vil hjálpa öðrum í sömu stöðu. Það er dagleg barátta að berjast við sársaukann, óþægindin og ógeðið sem munu gerast eða hafa gerst,“ segir hún.
Frances missti föður sinn ung að árum og móðir hennar Courtney Love var dæmd í meðferð árið 2005 eftir að hafa misnotað lyf í áraraðir. Árið 2009 fékk Frances nálgunarbann á hana vegna þess að „hafa notað eiturlyf alla mína ævi.“
Courtney og Frances hafa alltaf átt stormasamt samband, en hafa nú endurnýjað kynnin þar sem þær eru báðar að lifa heilbrigðum lífsstíl.
Kurt Cobain framdi sjálfsvíg árið 1994, þá var hún aðeins 20 mánaða. Var mikið af heróíni og valíumi í líkama hans. Frances viðurkennir að hún hafi „alltaf vitað að samband foreldra sinna væri eitrað“ og hún hafi alltaf vitað einnig að hún hefði verið „barn sem átti að laga allt.“
Þrátt fyrir að hún hafi oft verið neikvæð í garð fjölskyldu sinnar er hún nú að njóta lífsins með meiri bjartsýni í farteskinu…og einblínir á að lifa lífinu án eiturlyfja.
