Andrúmsloftið var vægast sagt spennu þrungið í 22 ára afmæli Kendall Jenner sem haldið var í gærkvöld, fimmtudaginn 2. nóvember. Þar mætti allt Kardashian klanið, að sjálfsögðu til að fagna með Kendall en enginn bjóst við að Caitlyn Jenner (68), faðir hennar, myndi taka Sophia Hawkins, 21 árs kærustuna sína með. Var afmælið haldið í Petite Taqueria í vestur-Hollywood.

Ekkert rifrildi átti sér stað eins og margir bjuggust við, en vissulega var óþægilegt að hafa Caitlyn og Kris undir sama þaki þar sem það andar köldu á milli þeirra eftir að Caitlyn gaf út ævisögu sína fyrir nokkru.

Kourtney var einna fyrst á svæðið með kærastanum Younes Bedjima.

Kris mætti með Corey Gamble en margir segja að hún borgi honum fyrir að sjást með sér, þau séu ekki saman eins og staðan er í dag.

Nokkrum mínútum síðar kom Caitlyn með Sophia.

Samkvæmt heimildarmönnum sagði Kendall Kris ekki að Caitlyn væri að koma, því hún vildi ekki búa til neitt vesen: „Þetta varð samt óneitanlega vandræðalegt þar sem Sophia er ári yngri en Kendall.“

Dætur Kris úr fyrra hjónabandi hafa ekkert samband við Caitlyn. Meira að segja Kylie Jenner reynir að hafa sem minnst samband við föður sinn. Kim og Kourtney heilsuðu Caitlyn en ekkert meira. Aðra sögu var að segja frá hinum sem heilsuðu henni ekki.

Kendall ku hafa sagt við bæði Kris og Caitlyn að ef þær færu að rífast yrðu þær báðar að fara.